Amerika yaitire omorai bw’ ekeombe kia ababegu kia alshaabab, Adan Garar

Ensemo y’oborendi ya ense ya Amerika yaenekirie ogoitwa kwa omorai bw’ ekeombe kia alshaabab omosike, Adan Garar. Korwa ensemo ya Pentagon nigo amang’ana atoikera buna endege y’ esegi etarigotwara omogendia nigo yamobutoria chokombora aaria Irianyi ya Somalia echuma yaeta eria tano.

ababegu aba baminyokirigwe na goserigwa ase chinkonko chinyinge ase ense ya Somalia

Garar nigo arenge omokagerwa ase omwaka chilibu ibere na ngwansa ikomi na isato (2013) ase echiro ya oboonchoreria ya  Westgate obwo bwairereta abanto emerongo etano nomo na batano na babere gosiria amagima abo.

Amerika nigo yegenete Garaar buna nigo arenge korigereria buna barakore obosagani na goita abanto be chinse chia bosongo. Nigo arenge omobwatani bw’ ekeombe ekio ase abwate ekerogo gio’koringoria buna inaki obogima bwabo bogosereirie kobwa mono n’ chinguru cha isiko koreng’ana na Pentagon.

Aya onsi nigo akorekana ang’e chimaeli rigana n’emerongo etano gose (240 KM) bosongo ya Mogadishu ang’e n’omochie omonene Dinsoor.

Washington yabeire gekobwatesia obomo bw’ cinse chia Afrika (AU force), obwo bwarusirie ebiombe ao ao bi’ obobegu korwa ase ense ya Somalia.

Ensemo y’ oborendi ya Amerika nigo yateba buna ogokwa kwa Garar’ nokwengencho enene kobua buna kwaretige eriansa rinene ase ekeombe ekio kia ababegu ba alshaabab aaria Somalia.

Ekero egeke magega ya Pentagon koyaenekia ayio, ogosagaana gwakorwa n’ekeombe ekio kia al-Shabab nigo kwairera ogokwa kwa abanto banne aaria sugusu-mocha ya Kenya.
Ababegu aba batianire gochanda Kenya gotatimoka ase engencho y’okoba na obomo bwe chinse chia afrika ase oborendi bogendererete ase orogongo rwa Somalia.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s